ظل راجل ولا ظل حيطة .. بلا نيلة

جلست إحدى السيدات فى الصالون فتحدثت السيدة وبدأت تخطب فى وسط السيدات .. وتقول :



قالو ضل راجل ولا ضل حيطه ... ياختى بلا نيله



1 - عمرك سمعتي عن حيطه بتشخر طول الليل ومتخلكيش تعرفي تنامي


2 - ولا حيطه تدخل من باب البيت تجعر عايزه الغدا وبعدين تطين عيشتك

عشان الملح طلع زياده في الباميه



3- ولا ممكن ترجعي البيت فى يوم تلاقي الحيطه بتبوس في الشغاله



4 - طب شفتي حيطه تملا سقف الشقه دخان والارض سبارس



5 - ولا حيطه تصحيكي من عز النوم فى نص الليل عشان معرفش ايه طلع فى دماغها



6 - ولا حيطه تدوخك وراها عشان تشوفيها بتكلم مين في نص الليل بالتليفون



7 - طب الحيطه معروف مكانها طول الليل انما المحروس يدوخك وراه عشان

تعرفي كان سهران في انهي دهيه .... قال ايه عنده شغل : يا ســم



8 - ولا في حيطه تحاول تطلعك غلطانه فى كل كلمه تقوليها

عشان تثبت للعيال ان الحيطه بتفهم أكتر منك


9 - ولا حيطه تقعد تقولك ماتخرجيش بالفستان ده أحسن اقطعه هولك

ولما تطلبى منها فلوس عشان تجيبى فستان غيره

تعمل ودن من طين وودن من عجين .. طيب ده حتى الحيطه ليها ودان

هههههههههههههههه احنا بعد كدة ها نمشى من غير ودان بقى